Ang Anino

Sumakay ako ng jeep sa may España at ako lamang at ang tsuper ang naroon. Malalim na kasi ang gabi. May mga ilaw naman ang mga poste ng Meralco subalit napansin kong sa maikling tunnel ng Recto/Quezon Boulevard, wala akong anino. Nabalutan ako ng takot at pagkamangha. Mga ilang sandali pa ay nanumbalik ang aking anino. Subalit paano ito nawala gayong maliwanag din ang ilaw ng bumbilya ng jeep?